2025 წლის 30 მარტიდან საქართველოს ავიაბაზარზე გაერთიანებული სამეფოს ფლაგმანი – British Airways შემოდის. ლონდონი-თბილისი-ლონდონის მიმართულებით პირდაპირი რეგულარული ფრენები კვირაში 4 სიხშირით, ჰითროუს აეროპორტიდან შესრულდება.
დაჯავშნე ავიაბილეთები ონლაინ
თუ კითხვა გაქვს დაგვირეკე 500505068ბილეთების შეძენა ავიაკომპანიის ვებგვერდზე www.ba.com უკვე შესაძლებელია. ამჟამად, 30 მარტის თარიღისთვის თბილისი ლონდონი მიმართულებაზე ბილეთის ღირებულება 122 ევროდან (დაახლოებით 366 ლარი) იწყება და აპრილის თვის ავიარეისებზე საწყისი ფასი 100 ევროს შეადგენს. ლონდონი თბილისი მიმართულებით კი ბილეთის საწყისი ღირებულება 201 ბრიტანული გირვანქა სტერლინგია , ხოლო აპრილის თვეში ფასი 199 გირვანქა სტერლინგია (დაახლოებით 710 ლარი). აღსანიშნავია, რომ ავიაბილეთების ფასები ფიქსირებული არაა და შესაძლოა, შეიცვალოს.
ამასთან, დაგეგმილი ფრენების განრიგი მორგებულია ამერიკაში ტრანზიტულ ფრენებზე. შესაბამისად, American Airlines -თან პარტნიორობა საშუალებას იძლევა British Airways -ის მგზავრებმა ისარგებლონ ტრანზიტული ფრენებით, ლონდონის გავლით, შეერთებული შტატების სხვადასხვა ქალაქის მიმართულებით.
